قصيدة بعنوان تمنيتك جمر
3 مشترك
صفحة 1 من اصل 1
قصيدة بعنوان تمنيتك جمر
تمنيتك جمر
اصيرلك هدف وارميني بسهامك
وإذا تخطي الكَلب مزَك شراييني!
خليني بكَبر بس لاتسد الباب
أريد بوحشتي تسمع صدى اونيني..
سويني جمر والكَلب أشعلة أبنار
مثل عود البخور أتهب رياحيني..
يالبحرك ضوة ومشحوفي صار الليل
تيهني الضباب وانتة ناسيني!
على أفراشي اشوفن صورتك نعسان
أخاف ارمش تروح الصورة من عيني؟
ياجنح الفرح واتمنة أطيرن بيك
لو ريشي أنهلس شلي بجناحيني؟
اريدنك جرح يركَص على الآهات
تعذيبك عسل والآه تشفيني!
تمنيتك جمر وسط الضلوع أتنام
اصيرلك فراشة أبنارك اجويني!
لو نسمة برد مرت عليك أبليل؟
اوجن واشتعل جانون تلكَيني!
جنت صابر عليك أتسلى بالدمعات
مو دمعي نشف شنهي اليسليني؟؟
بصـــ وافتخرــــراوي- عضو فعّال
- عدد المساهمات : 116
تاريخ التسجيل : 09/09/2010
العمر : 27
الموقع : العراق الحبيب\البصرة الفيحاء
رد: قصيدة بعنوان تمنيتك جمر
صح لسانك والله يعطيك العافية000
طبعاً بصراوي حقك تفتخر آني شخصياً اشكرك جزيل الشكر على مساهماتك الحلوة000
تحــــــــــــــــــــــــــــياتي000
طبعاً بصراوي حقك تفتخر آني شخصياً اشكرك جزيل الشكر على مساهماتك الحلوة000
تحــــــــــــــــــــــــــــياتي000
حسام الدين الجبوري- مشرف عام
- عدد المساهمات : 11
تاريخ التسجيل : 20/09/2010
العمر : 34
الموقع : العراق/نينوى
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى